Gjysma e grave të dënuara u lanë të lira, por çfarë përfituan burrat nga amnistia

Në mbledhjen e sotme të qeverisë është miratuar një projekt-draft I cili do ti kalohet Kuvendit për miratim në lidhje me amnistinë për të dënuarit në burgjet shqiptare.

Ministrja e drejtësisë Etilda Gjonaj bëri me dije se 28 gra nga 56 që vuajnë dënimet në burg do të lirohen me amnistinë e fundit, nëse miratohet nga Kuvendi ndërsa për gjysmën tjetër është marrë vendimi për uljen e dënimit me 1/3.

Nga ana tjetër, Qeveria nuk është treguar kaq bujare me burrat që vuajnë dënimet në burgje pasi ndaj tyre janë marrë parasysh specifika më të veçanta..

Gjonaj deklaroi para mediave se nga aministia do të përfitojnë ata burra të cilët janë dënuar me vendim të formës së prerë deri në 2 vjet, vendim i formës së prerë deri më datë 30.09.2019, ose u kanë mbetur për të vuajtur nga ky dënim deri në 2 vjet.

Një kateogri tjetër përfituese janë edhe burrat mbi 60 vjeç, të cilët nuk janë dënuar për vepra penale që janë të ndaluara për të fituar nga aministia.

Nëse disa prej të dënuarve përmbushin kriterin e moshës ose afatin 2 vjeçar, por janë dënuar për vepra të rënda penale, nuk përfitojnë nga aministia, theksoi ministrja Gjonaj.