Kryeministri rumun, Sorin Grindeanu, i cili po përballet prej një jave me një valë të gjerë protestash popullore, siguroi qëndrimin e tij në këtë post gjatë ditës së djeshme duke kaluar me sukses një mocion mosbesimi të nisur nga kundërshtarët e tij për zbutjen e masave ligjore antikorrupsion.
Më shumë se gjymsmë milionë njerëzish që dolën në shesh nuk arritën të bindnin dot kryeministrin të jepte vetë dorëheqjen. Edhe më parë ai kishte deklaruar vazhdimisht se nuk do të tërhiqej.
Në një parlament me shumicë të theksuar nga socialdemokratët, fitues të legjislativeve të dhjetorit, mocioni i paraqitur nga opozita liberale u hodh poshtë, siç pritej, pa surpriza.
Vetëm 161 deputetë votuan pro, ndërsa duheshin 233 vota për të përmbysur qeverinë.
Grindeanu, 43 vjeç, në këtë post prej një muaji u shpreh i vendosur përpara votimit se do të qëndronte në pushtet, në formë detyrimi kundrejt besimit popullor të fituar në zgjedhje. (E.K/SHUPLAKA)
