Të dy sportistë dhe i reagonin njëri-tjetrit në rrjetet sociale/ Ky është autori i krímit në Shkodër, mister shkaqet që bënë të shkrépte 18 herë aùtomatikun (Detajet)

Blutë e Shkodrës kanë identifikuar në kohë rekord autorin e ngjarjes së rënë në kryeqendrën e veriut, ku nga një mjet në lëvizje, u qëllua ndaj 23-vjeçarit Gledis Kraja i cili mbeti i plagosur por ndërroi jetë në duart e bluzave të bardha.

Sebastian Smakaj, që e shikoni në foton e mëposhtme është autori i ngjarjes që tashmë ndodhet në kërkim nga policia.

Ende nuk është zbardhur asnjë gjurmë e tij, teksa mësohet se e ka qëlluar Krajën i cili po udhëtonte me një mjet që mbante logon e një kompanie dezinfektimi.

23-vjeçari ishte banues në lagjen Perash ndërsa është qëlluar nga Smakaj me breshëri plumbash automatiku shpatull, plumb që i ka kushtuar edhe jetën. Grupi hetimor ka gjetur 18 gëzhoja në vendin e ngjarjes.

Smakaj është kampion kombëtar në “Tawkondo” për peshën 80 kilogramë teksa burime bëjnë me dije se autori dhe viktima kishin njohje të mëparshme me njëri-tjetrin si dhe marrëdhënie miqësore, ndërsa edhe ky i fundit merrej me sport.

Në foton e mëposhtme provohet se Kraja ishte i regjistruar në faqen zyrtare të FSHF-së. Mësohet se deri në vitin 2013, 23-vjeçari ka qenë i angazhuar me ekipin e qytetit të Shkodrës “Vllaznia”.

Ajo çfarë mbetet e paqartë në prishjen e marrëdhënies së tyre që do të kishte pasoja katastrofike, janë shkaqet teksa burime nga hetimet thonë se kanë qenë arsye banale.

Ajo që bën përshtypje është fakti se autori dhe viktima ndiqnin rregullisht njëri-tjetrin në rrjetet sociale dhe në shumicën e postimeve bënin reagime miqësore.

Madje në një foto të KLrajës, Smakaj komenton “Mashallah o bish”

Plumbat kanë lënë gjurmë në vendin e ngjarjes duke përfshirë edhe xhamat e thyer të veturës me të cilën udhëtonte Kraja brenda të cilit mbeti i plagosur rëndë dhe ndërroi jetë në spital vetëm pak minuta më vonë.

“Rreth orës 21:55, në lagjen Daniel Matlija, pranë një marketi, Shkodër,  në rrethana ende të paqarta është plagosur me armë zjarri  armë zjarri, shtetasi G.K, 23 vjec banues në lagjen Perash, Shkodër, i cili sapo ka ndërruar jetë në  Spitalin Rajonal Shkodër.

Në vendngjarje ndodhen shërbimet e policisë, dhe  grupi hetimor i cili po punon për sqarimin e rrethanave të kësaj ngjarje.

Forcat e Policisë të DVP Shkodër dhe të FNSH kanë rrethuar zonën dhe vijon kontrolli për kapjen e autorit”, njofton policia e Shkodrës në informacionin paraprak, ku dhe pasi kanë kaluar shumë orë tashmë, nuk ka të dhëna të tjera në formë zyrtare.

(F.GJ/FAXWEB.AL)