“Godasin” sërish hakerat iranianë, publikohen numrat e telefonit, ID e të gjitha të dhënat personale të 65 mijë shqiptarëve

Grupi iranian “Homeland Justice”, që ka marrë përsipër autorësinë e dy sulmeve kibernetike ndaj faqeve online të institucioneve shqiptare, nuk është mjaftuar me kaq.

Këtë herë ata kanë publikuar të dhënat e kartave të identitetit.

Bëhet fjalë për një dokument 1311 faqësh me të dhënat e 65614 shqiptarëve që përfshijnë numrin personal të ID, emër, mbiemër, vendin e lindjes dhe të banimit si edhe numrin e telefonit. Kjo nuk është hera e parë që të dhëna të ndjeshme dalin në publik pas dy sulmeve kibernetike ndaj Shqipërisë.