Ministri i Brendshëm, Fatmir Xhafaj, pas deklaratës së fortë që bëri nga Shkodra, ku tha se policia do godasë bosët e krimit dhe kriminelët, jo hallexhinjtë, ka shkuar në Lezhë.
Pas prezantimit të drejtorit të ri të policisë në Lezhë, Ferdinand Mara, Xhafaj ka dalë i revoltuar para gazetarëve lidhur me abuzimet në vijën bredgetare të Lezhës.
“Jam i shqetësuar për disa abuzime me tokat, pronat publike e vijën bregdetare në Lezhë. Hetimet që po zhvillohen janë në proces, besojmë se do jenë eficente, hetime po bëhen me prokurorinë dhe Krimet e Rënda. Shpresoj që shkaktarët e kësaj batërdije do vendosen para përgjegjësisë penale së shpejti.
Jemi të vendosur të godasim grupet kriminale, e për t’ju prerë lidhjet e asetet ekonomike që i kanë si mjet dhe instrument për të ushtruar veprimtaritë. Shpresoj të kemi rezultate edhe në Lezhë sic kemi patur në qarqe tjera”, tha Xhafaj.
(F.G/Faxweb.al)
Discussion about this post