Goditën me sende të forta dy persona dhe thyen xhamat e lokalit, arrestohen dy të rinjtë në Bulqizë (EMRAT)

Policia ka arrestuar dy të rinj në Bulqizë pasi kanë dëmtuar ambientet e një lokali dhe kanë dhunuar duke I goditur me mjete të forta dy persona.

Të arrestuarit janë Rruzhdi Rushiti, 24 vjeç, banues në Bulqizë dhe Dritan Tançi, 20 vjeç, banues në Tiranë.

Arrestimi i tyre u bë pasi në bashkëpunim me njëri tjetrin kanë goditur me sende të forta shtetasit R.N, 40 vjeç, dhe A.M, 51 vjeç, banues në Bulqizë, duke u shkaktuar dëmtime të lehta.

Gjithashtu të arrestuarit kanë dëmtuar duke thyer xhamat e lokalit në pronësi të shtetasit M.D 54 vjeç. Materialet proceduriale do ti referohen Prokurorisë Pranë Gjykatës së Shkallës së Parë Dibër për veprat penale “Plagosje e lehtë me dashje”, “Shkatërrim prone”, kryer në bashkëpunim, parashikuar nga nenet 89, 25, 150 të Kodit Penal.

(B.H/Faxweb)