Një sherr i pazakontë ka ndodhur në qytetin bregdetar të Durrësit. Katër gra janë përfshirë në sherr me njëra-tjetrën ku kanë përdorur shkopinj dhe hekura.
Në sherr janë përfshirë dy gratë me inicialet M. H. 41 vjeçe dhe A. B.26 vjeçe, kundër dy grave të tjera me inicialet N. B. 60 vjeçe dhe L. H.50 vjeçe, të katërta me banim në Durrës.
Policia informon se 41-vjeçarja së bashku me 26-vjeçaren, kanë goditur me mjete të forta dy të tjerat. Ngjarja ka ndodhur në lagjen numër 13 në Plazh, dhe shkak i përplasjes së ashpër mes grave ka qenë një konflikt për motive të dobëta. Policia nuk jep më tepër detaje, ndërsa bën të ditur se ka referuar materialet në Prokurorinë e Rrethit Gjyqësor Durrës, për dy më të rejat me inicialet M. H. dhe A. B.
(B.H/Shuplaka)
Discussion about this post