Pesë persona kanë rënë në prangat e policisë në Greqi, pasi dyshohen se janë pjesë e një grupi kriminal që merret me trafikimin e lëndëve narkotike.
Mësohet se grupi kriminal dërgonte drogën nga Shqipëria drejt Greqisë, ndërsa mes të arrestuarve njëri është shqiptar ndërsa katër të tjerët grekë, mes tyre edhe një grua 57 vjeçe.
Mediat greke shkruajnë se lënda narkotike pasi paketohej në tokën greke, dërgohej për në vende të Europës Veriore.
Në kuadër të operacionit që zgjati rreth disa muaj dhe u finalizua në Janinë, policia ka sekuestruar 89 kilogramë kanabis, tre automjete, një kamper, 12.000 euro para të thata, një armë gjahu dhe tri kamera survejimi.
Nga ana tjetër, policia bën me dije se ky grup kriminal ka lidhje edhe me 5 çështje të tjera, gjatë hetimit të të cilave janë sekuestruar rreth 654 kilogramë kanabis. E gjitha kjo nga 9 marsi deri më 10 maj 2017.
Ndërkohë, policia greke ka identifikuar edhe tre persona të tjerë si pjesëtarë të grupit, të cilët janë shpallur në kërkim. Ndërsa 9 persona të tjerë që ndodhen aktualisht në burg, mendohet se janë po ashtu pjesë e këtij grupi. (D.D/Shuplaka)
[ngg_images source=”galleries” container_ids=”1944″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
