Një i ri shqiptar 21 vjeç në Itali është qëlluar me plumb në fytyrë. Sipas mediave italiane, ngjarja mësohet të ketë ndodhur mbrëmjen e së martës, rreth orës 22:00, përpara një lokali në qytetit italian Milano.
Mësohet se plumbi përshkoi njërën faqe duke shkaktuarë dëme në gojë, përfshirë këtu thyerjen e dhëmbëve dhe nofullës. Ai u dërgua menjëherë në spitalin në Niguarda, ku i është nënshtruar një operacioni.
Bëhet e ditur se shqiptari është jashtë rrezikut për jetën. Policia italiane ka nisur hetimin për zbardhjen e plotë të ngjarjes. Nga hetimet paraprake, ajo ka bërë me dije se shqiptari që u qëllua, i cili nuk është identifikuar ende, kishte precedent penalë të mëparshëm. (XH.A/SHUPLAKA)
