Kanë dalë detaje të reja nga vrasja e 52-vjeçares, Diana Vrapi Koni në Itali. Por deri më tani mbetet ende i paqartë shkaku që e shtyu 62-vjeçarin shqiptar Muhamed Vrapi të godiste 15 herë me thikë, deri në vdekje, bashkëshorten e tij 52-vjeçaren.
Sipas mediave italiane janë zbardhur dëshmitë e para të fqinjëve, ndërsa paraprakisht dyshohet se Diana donte në ndahej nga bashkëshorti. Mësohet se ata kanë dëgjuar shpesh çiftin shqiptar teksa grindeshin.
“E pashë të shtrirë në tokë, të therur e të mbuluar nga gjaku teksa kërkonte ndihmë. Ndërsa ai qëndronte në këmbë”, tregon fshinja.
“Ajo ishte një grua dhe nënë shumë e mirë. E njihja nga afër, mund të them se ishte një person i qetë. Ndërsa bashkëshortin e njihja më pak, se ai merrej me punë. Por nuk kemi dëgjuar të ketë qënë problematik”, shton fqinji.
Sipas të dhënave të policisë, thika e kuzhinës që 62-vjeçari përdori për të masakruar të shoqen ishte në vendngjarje, madje në trupin e saj të shtrirë në dhomën e gjumit.
Sjellim në vëmendje që krimi ndodhi pasditen e djeshme rreth orës 16:30 në rrugën “Goito” në Bust Arsizio të Vareses, ndërsa ishin pikërisht fqinjët që dhanë alarmin. Muhamed Vrapi në sherr e sipër ka marrë një thikë të madhe nga kuzhina dhe ka filluar të qëllojë pa mëshirë Dianën, gruan me të cilën kishte tre fëmijë. (J.V/Shuplaka)