Është arrestuar pas tri ditësh shtetasi Mitad Resulaj 55 vjeç, banues në Sarandë, i cili akuzohet se më 11 shkurt goditi me mjetin e tij motoçikletën që drejtohej nga M. K. 51 vjeç, duke e plagosur në këmbë.
Pas aksidentit, ai u largua menjëherë nga vendngjarja. Mbi të rëndon veprat penale: “Shkelja e rregullave të qarkullimit rrugor” dhe “Largimi nga vendi i aksidentit”.
Detaje nga Policia e Sarandës:
Aksidenton një drejtues motoçiklete para 3 ditësh dhe largohet nga vendi i aksidentit ! Policia arreston autorin e dyshuar, shtetasin: – Mitad Resulaj, 55 vjeç, banues në Sarandë.
Policia ka bërë arrestimin e tij pasi ky shtesas dyshohet se është autorë i ngjarjes së ndodhur më datë 11.02.2017, ku në aksin rrugor Sarandë-Butrint, një automjet i paidentifikuar për momentin, goditi motoçikletën “Tiama” me drejtues shtetasin M.K., 51 vjeç, banues në Ksamil dhe u largua nga vendi i ngjarjes, duke e dëmtuar këtë të fundit në këmbë.
Nga hetimet e mëtejshme, Policia e Sarandës identifikoi mjetit dhe rezultoi se i përket shtetasit të mësipërm, duke bërë kështu të mundur kapjen dhe arrestimin e tij për veprat penale “Shkelja e rregullave të qarkullimit rrugor” dhe “Largimi nga vendi i aksidentit”. Policia ka bllokuar gjithashtu mjetin me të cilin është kryer aksidenti, tip BMV, me targë AA 373 AT.
(XH.A/SHUPLAKA)
