Alert Caroshi, në përpjekje për të grabitur një dyqan ka hasur në rezistencën e shitëses, thanë burime policore dy ditë më parë. Gjatë përleshjes, autori e ka qëlluar me çekiç në kokë duke e lënë të plagosur shitësen.
Ndërkohë Faxweb.al ka mësuar detaje të reja mbi agresorin 45-vjeçar i cili dhunoi shitësen në lagjen 5 Maj të qytetit të Elbasanit.
Mësohet se ai ishte mësues në shkollën 9-vjeçare në Vidhas të Elbasanit dhe si për ironi, jepte lëndët e Edukimit Qytetar, historisë dhe Gjeografisë.
Bëhet me dije gjithashtu se autori njihej si njëri me të meta mendore në zonë dhe se disa herë ishte pezulluar nga puna por ishte rikthyer sërish në rrethana të panjohura.
Raportohet nga të nejtjat burime se Caroshi ka pasur edhe raste incidentesh të dhunshme me nxënësit të cilëve u jepte mësim në shkollën ku punonte, por ajo çfarë nuk kuptohet ka të bëjë me faktin se si është e mundur që një person me të meta mendore në bazë të dëshmive të të njohurve, të jetë pjesë e sistemit arsimor, për më tepër të japë 3 lëndë. Shtuar kësaj edhe faktin se në institucionin ku punon njihej si person agresiv dhe jo i komunikueshëm me nxënësit.
Ndërkohë, pavarësisht se rasti është bërë publik në media, nuk ka një ragim zyrtar nga ana e ministrisë për të dhë sqarime lidhur me personin në fjalë.
(F.GJ/FAXWEB.AL)
Discussion about this post