Policia ka dhënë versionin e saj lidhur me incidentin që ka ndodhur gjatë takimit që Lulzim Basha pati me demokratët në Burrel, ku u dhunua deputeti Bedri Hoxha.
Autori i incidentit, Demir Çupi, është shoqëruar në Komisariatin e Policisë së Matit, ku ka dhënë dëshminë e tij për ngjarjen. Ndaj tij bardhëeblutë kanë nisur procedimin penal, por është lënë ën gjendje të lirë.
Kujtojmë se deputeti është goditur me grushte nga punonjësi i bashkisë Demir Cupi, para pallatit të Kulturës në Mat, vetëm një ditë më parë, rreth 20 minuta para nisjes së takimit të Bashës me demokratët në kuadër të zgjedhjeve për kryetarin.
Hoxha është deputet i PD-së deri në shtator, pasi Basha nuk e përfshiu në listën e kandidatëve për deputetë në zgjedhjet e 25 qershorit.
DETAJET E POLICISË
Burrel.
Më datë 09.07.2017 është paraqitur në Komisariatin e Policisë Mat dhe ka bërë kallzim shtetasi B.H, 49 vjeç, banues në Klos, ku ka deklaruar se rreth orës 13.10, të ditës së sotme, para hyrjes së Pallatit të Kulturës Burrel, për motive të dobëta e ka goditur me grusht shtetasi D.Ç, duke i shkaktuar plagë të lehta.
Menjëherë shërbimet e Policisë të Komisariatit të Policisë Mat kanë bërë shoqërimin e shtetasit D.Ç, në ambjentet e Policisë.
Në përfundim të veprimeve të para të kryera nga Specialistët për Hetimin e Krimit në Komisariatin e Policisë Mat, filloi procedimi penal në gjendje të lirë për shtetasin :
D.Ç, 59 vjeç, banues në Burrel, për veprën penale “Dëmtime të tjera me dashje’’, parashikuar nga neni 90 i Kodit Penal.
Materialet hetimore do t’i kalojnë Prokurorisë së Rethit Gjyqësor Mat për veprime të mëtejshme. (D.D/Shuplaka)
