Goditi me grushta mjekun brenda ambienteve të spitalit, shpallet në kërkim 37-vjeçari

Një 37-vjeçar me inicialet A.S., është shpallur në kërkim nga blutë e Sarandës pasi dyshohet se në ambientet e spitalit të këtij qyteti, ka qëlluar me grushta për shkak të detyrës mjekun me inicialet K.R.

Ngjarja ka ndodhur ditën e djeshme në Spitalin e Sarandës, ndërkohë sipas njoftimit të Policisë 37-vjeçari është nga fshati Gjashtë i këtij rrethi. Policia po punon për kapjen e personit në fjalë dhe gjithashtu materialet iu referuan Prokurorisë për veprën penale “Goditja për shkak të detyrës”.

Njoftimi i plotë:

Sarandë, Policia ka shpallur në kërkim shtetasin A. S., 37, vjeç, banues në Gjashtë, Sarandë.

Shpallja e tij në kërkim u bë pasi ditën e djeshme dyshohet se ky shtetas në ambientet e Spitalit të Sarandës ka goditur me grushta mjekun K. R., për shkak të detyrës.

Po punohet për kapjen e shtetasit A.S.

Materialet iu referuan Prokurorisë për veprën penale “Goditja për shkak të detyrës”.

(F.GJ/FAXWEB.AWL)