Goditi me grushta policin, arrestohet në flagrancë 30-vjeçari (Emri)

Policia e Lushnjes ka arrestuar në flagrancë një 30-vjeçar, pasi akuzohet se ka goditur për shkak të detyrës një punonjës policie.

Flamur Arapi, nga fshati Kadiaj, ishte në një konflikt pronësie me shtetasin O.A.

Njoftimi i policisë

Specialistët për Hetimin e Krimeve në Komisariatin e Policisë Lushnje, arrestuan në flagrancë shtetasin: Flamur Arapi, 30 vjeç, banues në fshatin Kadiaj, Lushnje.

Arrestimi i këtij shtetasi u bë pasi ka goditur për shkak të detyrës punonjësin e policisë në Komisariatin e Lushnjes i cili ka qenë në një zbatim vendimi të Bashkisë Lushnje për konfliktin e pronësisë që ka pasur shtetasi Flamur Arapi me shtetasin O.A.

Materialet i kaluan Prokurorisë pranë Gjykatës së Shkallës së Parë Lushnje për veprën penale “Goditje për shkak të detyrës” parashikuar nga Neni 237 i Kodit Penal.