Goditi me shkopinj dhe leva hekuri një 42-vjeçar! Shpallet në kërkim autori

Një 34-vjeçar me iniciale Xh.M është shpallur në kërkim nga policia e Vlorës, pasi akuzohet për veprën penale “Plagosja e rëndë me dashje”, e kryer në bashkëpunim”.

Mbrëmë në lagjen nr. 2 në Sarandë, rreth orës 20:30, 34-vjeçari së bashku me dy shtetas të tjerë ende të paidentifikuar, ka goditur me sende të forta, shkopinj dhe leva hekuri, shtetasin L. M., 42 vjeç, duke i shkaktuar dëmtime trupore

Nga hetimet dyshohet se ngjarja ka ndodhur si pasojë e një konflikti të mëparshëm gjatë ditës, në rrugën “Lefter Talo”, mes shtetasve L. M. dhe F. M., 46 vjeç (xhaxhai i shtetasit Xh. M.), ndaj të cilëve nisi gjithashtu procedimi penal për veprën penale “Dëmtime të tjera me dashje”.