Erion Veliaj në nisje të takimit më artistët ditën e sotme pati një surprizë të pakëndshme sot, teksa u gjuajt me vezë nga ana e të rinjve të FRPD-së.
Por njëri nga djemtë që ka marrë pjesë në ‘aksionin’ për goditjen me vezë të kryebashkiakut është shoqëruar në Komisariatin e Policisë nr.1 në Tiranë. Emri i tij është Darvin Zalla, raporton ‘Fax News’.
Nëse kur ishte ballë për ballë me të rinjtë, Veliaj u tremb, në takimin me artistët kreu i bashkisë ka gjetur vend dhe për të bërë batuta.
“Dolët huq, me atë nishan që ju çoi Luli, hodhët 10 vezë nuk më zuri asnjë . Kur e përballoj me sportvitet sulmin “alla ISIS”, pranoni me sportivitet batutën time, duhet të stërviteni më shumë”, tha Veliaj.
Të rinjtë që hodhën vezët në drejtim të Veliajt u neutralizuan me shpejtësi nga punonjësit e sigurisë, madje duke u ushtruar dhe dhunë.
https://www.youtube.com/watch?v=ktPmg8uyWFY
(B.H/Faxweb)
