Komisioni i Disiplinës në FSHF-së ka pezulluar për 12 muaj nga të gjitha aktivitetet sportive futbollisten e ekipit Juban Danja, Paula Jaku.
Pezullimi i 21 vjeçares vjen pasi goditi punonjësen të federatës gjatë ndeshjes me Vllazninë, në javën e 15, ndeshje kjo e cila do të përfundonte me humbje me rezultatin 6 me 0.
“Lojtarja e ‘Juban Danja’ femra, Paula Jaku, për dhunë ndaj zyrtares të ndeshjes, në bazë të Nenit 49/2/b të KDS, dënohet me 12 (dymbëdhjetë) muaj pezullim nga aktiviteti,” shkruhet në njoftimin e dhënë nga Komisioni i Disiplinës.
Kampionati i futbollit për femrat kryesohet nga Vllaznia me 48 pikë ndërsa Juban Danja renditet në vendin e gjashtë me 28 pikë.
Mesa duket aktet e dhunës në futbollin shqiptar të kthyera në rutinë tashmë nuk shfaqen vetëm në ndeshjet e meshkujve, por edhe në sfidat që luhen mes femrave.
