Turqia arrestoi tre kryetarë të tjerë bashkie nga partia kryesore e opozitës të shtunën, sipas një deklarate të prokurorit dhe raporteve të medias. Gjatë muajve të fundit, autoritetet turke kanë nisur një goditje të madhe, duke arrestuar qindra anëtarë të Partisë Republikane Popullore (CHP) , përfshirë 11 kryetarë bashkie.
Arrestimi më i profilit të lartë ishte ai i kryetarit të bashkisë së Stambollit , Ekrem Imamoglu sfiduesi kryesor i sundimit 22-vjeçar të Presidentit Rexhep Tajip Erdogan . Imamoglu u burgos në mars, duke shkaktuar protestat më të mëdha publike në një dekadë.
“Kryebashkiaku ynë i Adanas Zeydan Karalar, kryetari i Antalias Muhittin Bocek dhe kryetari i bashkisë së Adiyamanit Abdurrahman Tutdere janë arrestuar,” shkroi Mansur Yavas kryebashkiaku i Ankarasë në X.
