Ditën e sotme është realizuar në Presidencë hedhja e shortit për përzgjedhjen me short të anëtarëve të ri të Këshillit të Emërimeve në Drejtësi (KED).
Anëtarja e parë si përfaqësuese e Gjykatës Kushtetuese në bazë të shortit të hedhur në Presidencë për KED është Fjona Papajorgji. Pas saj vjen Vitore Tusha dhe si anëtare zëvendësuese Marsida Xhaferllari.
Nga Gjykata e Lartë ka kaluar automatikisht si anëtar KED Ardian Dvorani, pasi ishte kandidat i vetëm
Arta Marku është zgjedhur si anëtare e KED në rolin e përfaqësueses së Prokurorisë së Përgjithshmë ndërsa Bilbil Metesia anëtar zëvendësues.
Ndërkohë lista e kandidatëve që përfaqësojnë Gjykatën e Apelit ka qenë më e gjatë nga e cila janë përzgjedhur me anë të shortit me gogla dy anëtarët e saj: Miranda Andoni, Sahida Dollani dhe Nazmi Troka anëtar zëvendësues.
Nga Prokuroria e Apelit:
Ludovik Dodaj
Fatjona Mamccaj (përfaqësuese e zyrave pranë Prokurorisë së Apelit)
Nezir Gjoka (Anëtari zëvendësues pranë Prokurorisë Gjykata e Apelit)
Pika 3 e nenit 149/d të Kushtetutës së ndryshuar në vitin 2016, parashikon që Presidenti i përzgjedh me short anëtarët e Këshilli të Emërimeve në Drejtësi, midis datave 1 dhe 5 dhjetor të çdo viti kalendarik, dy gjyqtarë nga Gjykata Kushtetuese, një gjyqtar nga Gjykata e Lartë (që edhe e drejton këtë institucion), një prokuror nga Prokuroria e Përgjithshme, dy gjyqtarë, dy prokurorë nga gjykatat e apelit, si dhe një gjyqtar nga gjykatat administrative.
Nëse Presidenti i Republikës nuk do të arrinte të zgjedhte anëtarët deri në datën 5 dhjetor, i takonte Kryetarit të Kuvendit për të bërë zgjedhjen me short brenda datës 10 dhjetor, por kreu i shtetit ka konfirmuar se do ta hedhë vetë shortin.
(F.GJ/FAXWEB.AL)
Discussion about this post