Xherdan Shaqiri duket se po kalon një moment mjaft të mirë fizik ku nuk kanë munguar as golat. Ditën e shtunë kundër Hull City ka realizuar një ndeshje perfekte ku gjithçka është konkretizuar me një supergol.
Futbollisti me origjinë shqiptare që luan për kombëtaren e Zvicrës ishte lojtari i ndeshjes për Stoke City pasi para se të realizonte, dhuroi asisit në golin e parë.
Ish-lojati i Interit nuk e mbylli këtu kontributin për shokët e skuadrës, por rastet e krijuara nga ai nuk gjetën finalizim nga pjesa tjetër e ekipit.
25 vjeçari në minutën e 80 vulosi takimin me rezultatin 3-1 kur nga jashtë zone lëshoi një silur me të majtën që bëri të padobishme hedhjen e portierit.
Goli dhe në përgjithësi loja e mirë e zhvilluar kanë bërë që faqja e madhe sportive “Goal.com” ta përfshijë shtatshkurtrin në formacionin e javës. (E.K/SHUPLAKA)
https://www.youtube.com/watch?v=AEPOXJmAxNY
Discussion about this post