Sapo dëgjon fjalën gomone menjëherë të shkon në mendje trafiku i drogës që bëhet nga deti sidomos me Italinë. Një gomone rreth 7 metra e gjatë me një motor 350 Kv është gjetur dje brenda një kamioni të cilin policia po e ndiqte.
Gjatë ndjekjes në lagjen “Kastriot “, drejtuesi braktisi mjetin dhe u largua.
Burime nga Drejtoria e policisë e Fierit bëjnë me dije se mjeti dhe gomonia dyshohet se janë trafikuar nga jashtë dhe gomonia do të përdorej për trafik droge. Mjeti i tipit “Man” me targa “AA 814 AS” do shkonte në Vlorë.
Duhet thënë se kohët e fundit janë intesifikuar kontrollet përsa i përket trafikimit të lëndëve narkotike, kjo edhe në kuadër të aksionit antikanabis në vend. (E.K/SHUPLAKA)
