Deklarimi i pasurisë nga ana e gjyqtarëve dhe prokurorëve është një nga pikat kryesore të ligjit të Vettingut. Kur edhe pak orë ndajnë nga mbyllja e afatit për dorëzimin e deklaratave të pasurisë në ILDKPKI, dy gjyqtarë kanë dhënë dorëheqjen.
Duke qenë se kjo e martë është dita e fundit për deklarimin , një gjyqtar nga Tirana dhe një nga Elbasani, kanë zgjedhur që të dorëhiqen, në mënyrë që t’i shmangen kontrollit pas përmbylljes së kësaj faze. Një nga gjyqtaret e tërhequra është Mirela Fana, anëtare e Gjykatës së Lartë. Gjyqtari i Elbasanit është Ilir Pashaj.
Mësohet se një nga gjyqtarët e tërhequr ditën e sotme, ka një masë disiplinore.
Deri më tani, në ILDKPKI kanë deklaruar pasuritë e tyre 359 gjyqtarë.
Në kuadër të ligjit të vettingut, gjyqtarëve dhe prokurorëve në vend iu la afat 30 ditë për të dorëzuar në ILDKPKI deklaratat e pasurisë.
Dorëzimi i tyre duhet të bëhej nga vetë prokurori apo gjykatësi në protokollin e këtij institucioni, ku edhe do të pajiseshin me një vërtetim përkatës për dorëzimin e deklaratës dhe fletën e inventarit për dokumentacionin justifikues bashkëlidhur deklaratës së pasurisë. (E.K/SHUPLAKA)
Discussion about this post