Ministri i Ekonomisë, Kulturës dhe Inovacionit, njëherësh kandidat për Partinë Socialiste në qarkun e Tiranës, Blendi Gonxhja në intervistën e tij në FaxNews është shprehur se është falenderues për çdo mbështetës dhe votues të Partisë Socialiste.
Ai është shprehur se rezultati i zgjedhjeve të 11 majit për Partinë Socialiste, e cila arriti të merrte mandatin e katër është falë projektit dhe planit strategjik që ato ndjekin.
“I kthehem rezultatit në rang vendi i Partisë Socialiste që pa një punë dhe pa një projekt si ky i yni nuk do të ishte ky rezultat. Ky është një dialog me shqiptarët si erdhëm deri këtu, si mund të përmirësojmë qeverisjen dhe të kemi një vendim sa më të mirë për qytetarët. Në nivel vendor dhe qendror ky model qeverisje ka bërë transformimin e vendit. Këtë vit ka qenë edhe mbështetja e diasporës që ka sjellë këtë mbështetje të madhe për mandatin e katërt”, është shprehur ministri Gonxhja.
Ndër të tjera ai është shprehur se në fokus të tij për zonën e kombinatit janë kryesisht të gjithë banorët të cilët kanë humbur banesat e tyre.
“Në Dibër ishte një eksperiencë e bukur, por rikthimi në tiranë ishte një gjë shumë e mirë për mua pasi edhe ministria që unë drejtoj ka një rol të rëndësishëm në hapjen e shumë kapiturve që kemi për bazë. Nga ana tjetër ne Kombinat ka një sërë problemesh siç janë shumë familje ende pa strehë pasi për shkak të tërmetin humbën banesat e tyre. Ai është shprehur se prioritet I tyre është strehimi social”, ka thënë ai në një intervistë për Fax News me gazetaren Sedjana Huna.
