Xhamia historike e Plumbit në Shkodër do t’u rikthehet besimtarëve, si një tempull besimi me kushte optimale në muajin maj. Xhamia e Plumbit në Shkodër, e ndërtuar më 1773-1774, është xhamia osmane më e madhe në të gjithë Shqipërinë, monument kulture i kategorisë së parë.
Rivitalizimi i kësaj xhamie unikale në Shkodër përfshin jo vetëm restaurimin e thellë të saj, por edhe transformimin e hapësirës përreth. Pas restaurimit, Xhamia, e ndërtuar nga i mirënjohuri arkitekt Sinani, do të kthehet në një tjetër atraksion turistik për qytetin.
Ministri i Ekonomisë, Kulturës dhe Inovacionit, Blendi Gonxhja inspektoi sot punimet në Xhaminë e Plumbit në Shkodër. “Restaurimi i Xhamisë së Plumbit, Shkodër, është një projekt që synon të rikthejë plotësisht vlerat historike dhe arkitekturore të këtij monumenti unik, duke ruajtur identitetin dhe trashëgiminë tonë kulturore”, u shpreh ministri Gonxhja.
Pjesa më problematika, tashmë ndër shekuj, i përmbytjes së zonës përreth xhamisë ka marrë tashmë një zgjidhje shumë elegante dhe paksa dinamike.
Në pjesën e rrethimit do të ketë një gardh, një apel alumini, i cili do të ngrihet në momentet e shtimit të fluksit të shirave e të ujit përreth e do bëjë të mundur mos lejimin e mbushjes së kësaj pjese.
Përtej restaurimit të Xhamisë është punuar edhe për restaurimin e pjesës së jashtme.
Është hera e parë që bëhet një restaurim i këtij niveli, që nuk bazohet vetëm në monumentin.
Restaurimi i objekteve të kultit, nuk është thjesht rikthimi i tempujve të besimit në vlerat e tyre, por edhe kujdes për trashëgiminë kulturore dhe historinë.
Discussion about this post