Goran Pandev: I zhgënjyer me barazimin. Shqipëria nuk meritoi asnjë pikë, ishin me fat
Ylli i Maqedonisë, Goran Pandev deklaroi pas ndeshjes se Shqipëria kishte marrë më shumë se sa meritonte në ndeshjen e sotme.
“Jam i zhgënjyer, e dinim që me Shqipërinë do të ishte një ndeshje e vështirë sepse ka lojtarë që luajnë në nivele të larta, por sot nuk treguan pothuajse asgjë. Më vjen keq, sepse në Shqipëri na mundën në minutat e fundit, ndërsa këtu patën sërish fat. Gjithsesi jam i kënaqur për lojën që zhvilluam dhe personalitetin që shfaqëm”, deklaroi ai pak minuta pas përfundimit të ndeshjes për Panorama Sport. (B.H/Shuplaka)
