Avokati i njohur Altin Goxhaj reagon pas debatit në distancë mes ish-kryeministrit Sali Berisha dhe gazetares kosovare, Arbana Xharra.
Nëpërmjet një shkrimi në Facebook, Goxhaj e cilëson gazetaren si përfaqësuese të “Mafias së Sorosit” në Kosovë. Ai sqaron edhe arsyet se pse Berisha (edhe ai vetë) e cilëson Xharrën si përfaqësuese të Soros-it.
“Ja perse Berisha ka te drejte kur e quan Arbana Xharren perfaqesuese te Mafies se Sorosit ne Kosove
E gjithe karriera e saj u prodhua nga Mafia e Sorosit ne Kosove qe nga gazeta Koha e Veton Soros Surroit e cila u themelua me parate e Fondacionit Soros e deri te vazhdimi i karrieres se saj te BIRN Kosove ku del qarte qe financohej nga Sorosi!!!”, shkruan Goxhaj.
Avokati ka bashkëngjitur edhe linkun e një shkrimi në faqen zyrtare të BIRN, ku përmendet Xharra, për vlerësimin e punës së saj gazetareske gjatë vitit 2013 me dy çmime.
Por si ndodhi sherri midis Berishës dhe Xharrës. “Me gjithë kritikat që i kam për Edi Ramen, mendoj që Sali Berisha i ka berë shume më shumë dëme Shqipërisë. Në kohën e tij ka lulëzu kanabisi, ka lidhe marrëveshje me vende arabe, ka dëmtu Kosovën ne sistemin e energjisë me zhargitjen e ndertimit të interkoneksionit 400 kV…etj Sali Berisha është në gjendje me e përmbyse vendin për me ardhe në pushtet”, shprehet gaazetarja.
Ndërsa Berisha sot i kthehet asaj me fjalët:” Qe ne fillim, me duhet ti them me sinqeritet te plote kryredaktores se “Zerit”, si motres se “Zerit te Popullit”, se si perfaqesuese e mafies sorosjane ne Kosove, pra ndrikull netuorki (netëorki) ju me nderoni me preferencen e koduar qe keni per Ramen! Per kete keni vetem pergezime! Po keshtu, ne pretendimin tuaj se Berisha per te ardhur ne pushtet eshte ne gjendje te permbyse vendin, mendoj se çdo njeri ka te drejte te thote, apo te imagjinoje ate qe do.
Kurse me akuzat e tjera ajo del si nje trilluese ordinere qe flet per Shqiperine si zedhenese e asaj mafieje, pavaresisht se deshmon nje injorance ekzemplare apo flet si per ndonje ishull te larget te Oqeanise”.
Ndër të tjera, avokati Goxhaj ka bashkëngjitur edhe një fotomontazh të shkrimit në fjalë në BIRN, ku ka nënvizuar fjalët më pikante. (D.D/Shuplaka)
