Mbrëmjen kaluar, rreth 50 minuta pas mesnate, Partia Demokratike dorëzoi listat e kandidatëve të saj për zgjedhjet e 25 qershorit. Mirëpo në fakt, PD kishte afat deri në mesnatë për ta bërë një gjë të tillë.
Kështu Avokati i njohur Altin Goxhaj, ka ironizuar përmes një videoje në Facebook nga KQZ, faktin se përmes mediat nuk i kanë kushtuar rëndësi këtij detaji.
Përveç afatit të skaduar, Goxhaj përmend edhe faktin se në listat e PD-së janë rregjistruar vetëm 95 emra ndërkohë që 45 emrat e tjerë që duhej të paraqiteshin në listë nuk kanë mbërritur akoma.
“Tani live në AntiSoros TV nga KQZ ku rezulton se PD ka sjellë vetëm 95 emra po sot në dt. 27 pra de jure quhet e skualifikuar, dhe ende nuk kanë mbërritur në KQZ 45 emrat e tjerë. Po e regjistrojnë live çdo ditë proçesin formalizimit të Marëveshjes së Sorosit Basha-Rama për Qeverinë e përbaBASHA të Sorosit: RAMA – BASHA”, shkruan Goxhaj.
Kujtojmë se në listat e PD-së mungonin mjaft emra të rëndësishëm të PD-së si Majlinda Bregu, Jozefina Topalli, Ridvan Bode apo Astrit Patozi. Por nga ana tjetër ka edhe emra të rinj në politikë si dekanja Valentina Duka, analisti Prec Zogaj, Romeo Gurakuqi, Oriola Pampuri e shumë të tjerë. (D.D/Shuplaka)
