Një makinë është grabitur në qytetin e Lezhës mëngjesin e sotëm, rreth orës 9 e 40 minuta. Ngjarja e rëndë ka ndodhur te ‘’Kryqëzimi i Arbërisë’’ në autostradën e ”Rrugës së Kombit”.
Si pasojë e këtoj sulmi ka mbetur i plagosur një polic. Policia ka marrë njoftimin për grabitje dhe në tentativën për tu larguar autorët e ngjarjes kanë qëlluar mbi policinë.
Ndërkohë që identiteti i policit është Nikolin Gjergji, i cili mësohet të jetë jashtë rrezikut për jetën. Ai është transportuar drejt Spitalit të Traumës në Tiranë, ku do të mbahet nën mbikqyrjen e mnjekëve.
Policia e Lezhës ka mbërritur në vendngjarje dhe pritet të zbardhen shkaqet e kësaj ngjarjeje të rëndë. Ndërkohë që autorët janë në ndjekje nga policia e Lezhës.Ata janë gjetur të papërgatitur në momentet kur kanë kryer krimin dhe iu është dashur të gjuajnë mbi policinë për t’u arratisur.
Sipas burimeve nga Policia e Lezhës targa e mjetit të grabitur është AA 870 II. Po sipas deklaratës së policisë plumbi e ka plagosur efektivin në kokë.
Ndërkohë tashmë policia e Lezhës ka rrethuar në ”Fushë Gjormë” të Lezhës autorin e grabitjes me armë, në të cilën mbeti i plagosur një polic mëngjesin e sotëm. Sipas burimeve të policisë ai është i armatosur. Në ndihmë të policisë së Lezhës kanë shkuar dhe forcat RENEA dhe një helikopter.
Ajo që tërheq më tepër vëmendjen është fakti se ngjarja ndodhi në të njëjtin vend ku pak orë më parë Edison Pula arriti të arratiset duke dhunuar efektivët që e shoqëronin.
Arratisja ndodhi ndërkohë që 21-vjeçari Pula, anëtar i grupit të Niklës ishte duke u transportuar drejt komisariatit të Lezhë(E.K/SHUPLAKA)
