Grabisnin karburante me armë dhe maska, arrestohen 2 persona në Durrës. Njëri i dënuar me 20 vjet burg (EMRAT & VIDEO)

Dy persona janë vënë në pranga dhe një i tretë është shpallur në kërkim, nën akuzën e grabitjes me armë dhe maska të karburanteve në autostradën Tiranë-Durrës. Në periudha të ndryshme kohore, ata kanë vjedhur shuma të konsiderueshme parash.

Është kryer arrestimi i shtetasve Florjan Thana dhe Klajdi Pupa (i dënuar me 20 vjet burg) dhe është shpallur në kërkim një tjetër.

Detaje nga Policia e Durrësit: 

Janë arrestuar dy prej autorëve të dyshuar, konkretisht:

• Klajdi Pupa 20 vjeç, banues në Durrës, I dënuar më parë për posedim të lëndëve narkotike;
• Flroian Thana 19 vjeç, banues në Durrës, I dënuar më parë për vjedhje.

Gjithashtu është shpallur në kërkim dhe po punohet pë kapjen e shtetasit:

• B.K. 20 vjeç, banues në Durrës, I dënuar më parë për vjedhje.

Specialistët për Krimet në sajë të veprimeve hetimore kanë bërë të mundur dokumentimin e veprimtarisë kriminale, të kryer nga shtetasit e mësipërm, të cilët në bashkëpunim me njëri- tjetrin, në periudha të ndryshme kohore kanë vjedhur nën kërcënimin e armëve pika karburanti në autostradën Tiranë-Durrës, tek”Mbikalimi i Fllakës”, duke marrë shuma të ndryshme parash, konkretisht:

1.Më datë 12.12.2016, rreth orës 02:50, shtetasit e mësipërm dyshohen se nën kërcënimin e armës I kanë marrë xhiron ditore rojeve të një karburanti , në afërsi të mbiklaimit të Fllakës, rreth 150 000 – 200 000 lekë.

2.Më datë 09.01.2017, dyshohet se nën kërcënimin e armës dhe me maska kanë vjedhur dy karburante në të dy krahët e autostradës dhe më pas janë larguar me nje mjet tip Golf.

Janë sekuestruar në cilësinë e provave materiale:

• Një automjet tip Volswagen Golf 5 me të cilën autorët kryenin vjedhjet;
• Një çantë krahu, në të cilën mbanin armën dhe maskat;
• Dy telefona celularë.

Gjatë deklarimit të dhënë para Oficerëve të Policisë, autorët kanë pranuar dhe shpjeguar mekanizmin e kryerjes së grabitjeve.

Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhja me dhunë” e kryer në bashkëpunim parashikuar në nenin 139, 25 të Kodit Penal.

(XH.A/SHUPLAKA)

(Klajdi Pupa dhe Florjan Pupa)

WhatsApp Video 2017-01-10 at 9.52.31 AM by revistaime