Shtatë persona janë vënë në prangat e policisë holandeze, pas akuzave të grabitjes së diamantëve me vlerë 75 milionë euro.
Ndër shtatë të arrestuarit janë pesë burra dhe dy gra, të cilët dyshohen për vjedhjen e bujshme në vitin 2005, në aeroportin Schipol të Amsterdamit.
Ky lajm bëhet i ditur nga autoritetet holandeze. Arrestimi i shtatë të dyshuarve u krye në Amsterdam të Holandës dhe Valanecia të Spanjës gjatë të premtes dhe të shtunës.
Mësohet se ata ishin veshur si punonjës të aeroportit për të grabitur diamantët që do të ngarkoheshin në një avion. Diamantet dhe sende të tjera me vlerë që do të dërgoheshin në Antuerp të Belgjikës, u vodhën në një zonë të sigurisë së lartë të aeroportit. (XH.A/SHUPLAKA)
