Gjykata e Rrethit Gjyqësor Tiranë ka vendosur arrest me burg për të katër personat e përfshirë në grabitjen me dhunë të kambistit Agron Shima te Rruga e Barrikadave në Tiranë.
Katër personat ndaj të cilëve është dhënë kjo masë janë: Elvis Fato, arrestuar në flagrancë, Elvis Berisha, Blenard Hoxha dhe Xhoni Dido.
Prokuroria e ka konsideruar të ligjshëm arrestimin e katër personave të akuzuar për vjedhjen me dhunë të kambistit në Tiranë para disa ditëve, ndërsa theksohet se këta persona i kanë ngritur prit kambistit, i cili po udhëtonte me një motoçikletë.
Sipas prokurorit, në deklaratat e dhëna nga vetë të pandehurit, kanë treguar të gjithë dinamikën e ngjarjes, që nga tentativa momenti kur dy autorët kanë qenë në vendin e ngjarjes dhe arsyen se përse e kanë ndërmarrë një akt të tillë. Sipas prokurorit, fillimisht kambisti është goditur në qafë me levë.
Menjëherë njëri prej autorëve i ka marrë dy çantat me para, në të cilat ndodheshin 60 mijë USD dhe 2 mln lekë të vjetëra dhe është larguar. Arrestimi i tre personave të tjerë ësht bërë pas deklaratave të bëra nga i arrestuari në flagrancë, Elvis Fato.
Ne seancën për caktimin e masës së sigurisë për 4 te arrestuarit për vjedhjen me dhunë të kambistit Agron Shira, paraditen e së premtes, prokurori ka zbardhur dëshminë e Elvis Fatos.
Para oficerëve të Policisë Gjyqësore Fato ka deklaruar se e ka realizuar vjedhjen me dhunë të kambistit në bashkëpunim me Xhoni Didon. “Të premten dola nga shtëpia në 05:00 dhe shkova takova Xhoni Didon tek “Kthesa e Kamzës.
Atje kemi ndërruar rrobat dhe përmes një motorri të Xhonit kemi shkuar tek 9-katëshet. Disa ditë më parë Xhoni më kishte treguar për vendin dhe personin që do grabisnim. Kur mbërritëm tek vendi kemi ndaluar motorrin dhe kemi bërë sikur po i rregullonim gomën.
Pas 20 minutash aty po kalonte kambisti me motorr. Xhoni i ra me levë dhe ai ra nga motorri. Pasi i mori lekët hipem në motorr ku i jepja unë dhe u drejtuam nga rruga e Barrikadave. Tek kryqëzimi pashë një makinë policie dhe desha të devijoj, por Xhoni me tha të ecja drejt.
Meqë nuk iu binda ai më qëlloi me levë dhe kam humur ekuilibrin duke rënë nga motorri. Ai u largua me lekët. Për të kryer vjedhjen na kanë shtyrë Elvis Berisha dhe Blenard Hoxha, të cilëve u kishim boxhe”.
Kujtojmë se Agron Shima, 50-vjeç është pronari i një pike këmbimi valutor në kryeqytet i cili u sulmua dhe grabit nga dy persona mëngjesin e 29 marsit. Ngjarja ka ndodhur në rrugën e ‘Barrikadave’ rreth orës 09:00. Atij i juanë grabitur me dhunë një shumë parash prej 60 mijë dollarësh.
Policia e Shtetit ka arrestuar tre persona, që dyshohet që të jenë bashkëpunëtorë në grabitjen dhe plagosjen e pronarit të exchange-it, Agron Shima, në rrugën e Barrikadave në Tiranë. (lexo këtu)
(F.GJ/FAXWEB.AL)
Discussion about this post