Është zbardhur nga Policia grabitja e dy turistëve austriakë ndodhur dy ditë më parë në Pukë. Atyre iu morën me dhunë jë sasi parash prej 300 euro dhe një telefon Celular.
Kështu Policia ka arrestuar si një nga autorët e dyshuar Zamir Pjetra, 33 vjeç, banues në Fierzë, Bashkia Fushë Arrëz, ndërsa po punon për identifikimin e personit tjetër të përfshirë në krim.
DETAJET E POLICISË:
Zbardhet ngjarja e ndodhur me datë 18.08.2017 ku kanë vjedhur me dhunë shtetasit E. V, 54 vjeçe dhe K. S, 61 vjeç , banues në Vjenë, Austri.
Ndalohet njeri nga autoret e dyshuar Më datë 20.08.2017, nga shërbimet e Stacionit te Policisë Fushë Arrëz ne bazë të informacioneve policore dhe provave ligjore u bë ndalimi i shtetasit:
Zamir Pjetra, 33 vjeç, banues në Fierzë, Bashkia Fushë Arrëz.
Ndalimi i ketij shtetasi u bë pasi me datë 18.08.2017, në orën 23:30, në fshatin Fierzë, Bashkia Fushë Arrëz, në bashkëpunim me një shtetas tjetër ende të paidentifikuar, ju kanë marrë me dhunë shtetasve të huaj E. V, 54 vjeçe dhe K. S, 61 vjeç , banues në Vjenë, Austri, një sasi parash prej 300 euro dhe një telefon Celular.
Po punohet për identifikimin dhe kapjen e autorit të dytë të kësaj ngjarje Materialet i kaluan Prokurorisë së Rrethit Gjyqësor Pukë për vepren penale “Vjedhja me dhunë” e kryer në bashkëpunim parashikuar nga neni 139 e 25 i Kodit Penal.
(E.K/SHUPLAKA)
Discussion about this post