Një tjetër pikë karburanti ka rënë pre e disa grabitësve në mëngjes. Ngjarja ka ndodhur mëngjesin e sotëm në orën 05:00 në qytetin e Durrësit, pranë ‘’Urës së Dajlanit’’. Sipas policisë, grabitësit kanë hyrë nga pjesa e pasme e godinës, kanë thyer xhamat dhe janë futur në ambientet e brendshme. Këta persona ende të paidentifikuar kanë hapur kasafortën dhe kanë vjedhur një sasi të konsiderueshme parash. Kjo shumë ende nuk është bërë publike, megjithatë policia po punon për të zbardhur detajet e tjera të ngjarjes. Kamerat në momentin e grabitjes kanë rezultuar të fikura.
Bilancet e viteve të fundit flasin për shifra rekord të vjedhjeve të pikave të karburantit, ku në pesë vitet e fundit janë grabitur më shumë se 170 të tillë. Edhe vetë ministri Tahiri në një konferencë të mbajtur para disa ditësh e evidentoi këtë fakt, pavarësisht se ende nuk janë marrë masat për të gjetur një zgjidhje.
