Një tjetër grabitje me armë e maska, këtë herë në qytetin e Fushë Krujës. Ngjarja ka ndodhur mbrëmjen e të hënës dhe sipas burimeve zyrtare te Policisë, ka qenë një person ende i paidentifikuar që ka hyrë në një agjenci të transfertave të parave dhe me armë në dorë i ka marrë shitëses një shumë të konsiderueshme parash.
Ngjarja ndodhi rreth orës 18:00 në agjencinë e transferimit të parave Ndriçim A.
Sipas burimeve, mësohet se autori i ka marrë shitëses shumën prej 2 milionë lekësh.
Autori është larguar në drejtim të paditur teksa policia po punon për identifikimin dhe kapjen e tij. (E.K/SHUPLAKA)
