Grabitet banesa e deputetit të Partisë Socialiste Namik Kopliku në Tiranë, në lagjen ”Myslym Shyri”. Autorët e grabitjes kanë shqyer derën e banesës dhe kanë marrë me vete disa bizhuteri me vlerë. Grabitja mendohet të ketë ndodhur gjatë natës.
Ai është zgjedhur deputet i Partisë Socialiste në këtë legjislaturë dhe është anëtar i Komisionit për Veprimtarinë Prodhuese, Tregtinë dhe Mjedisin. Grabitja nuk dihet nëse ka qenë e mirëmenduar apo një nga ndodhitë rastësore të grabitësve në Tiranë.
Mësohet se ka qenë vetë deputeti socialist ai që e ka raportuar ngjarjen pranë organeve policore. Derimë tani nuk ka të ndaluar për ngjarjen. Vetë deputeti ka rrëfyer ngjarjen për mediat dhe ka treguar se nuk janë gjendur në banesë në momentin kur ka ndodhur grabitja. Deputetin dhe bashkëshortja e tij kanë qenë të pranishëm në Shkodër për të festuar festat e Nëntorit, ndërsa për ngjarjen janë njoftuar nga komshinjtë.
