Një dyqan interneti në rrugën “Bardhyl” në kryeqytet është grabitur sonte nga disa persona të maskuar dhe të armatosur. Grabitësit e maskuar dyshohet të kishin një pistoletë lodër.
Pasi kanë kërcënuar shitësen e dyqanit autorët kanë marrë xhiron ditore dhe janë larguar me shpejtësi.
Mësohet se xhiroja ditore ka qenë rreth 30 mijë lekë të vjetra.
Policia në vendngjarje ka nisur hetimet për identifikimin dhe kapjen e autorëve të grabitjes.
Pritet marrja në pyetje e shitëses së dyqanit si dhe këqyrja e kamerave të sigurisë për zbardhjen e mëtejshme të ngjarjes.
Gjithashtu po merren në pyetje edhe dëshmitarë të ndryshëm që kanë parë skenën e grabitjes.
(M.D/ Shuplaka)
