Rreth orës 10.30 të paradites së sotme është grabitur me dhunë posta sekrete e prokurorisë Durrës.
Persona ende të paidentifikuar grabitën postën sekrete duke marrë prej andej dokumente të rëndësishme.
Dy autorët e grabitjes ishin të maskuar. Punonjësi i Prokurorisë po çonte postën, kur ia rrëmbyen çantën.
Burime bëjnë të ditur për ”Fax News” se në prokurorinë e Durrësit gjenden disa prej dosjeve edhe për ish-zyrtarë të lartë të vendit.
Kjo është një postë që shoqërohet nga persona të veçantë, të cilët janë përgjegjës për sigurinë e dokumenteve.
Detajet e Policisë:
Më datë 08.05.2018, rreth orës 10:30- 11:00, në lagjen Nr.11, në afërsi të Postës në Durrës, shtetasi I.K., me punë korrier pranë Prokurorisë së Rrethit Gjyqësor Durrës është sulmuar nga dy persona të paidentifikuar , të cilët i kanë marrë disa materiale që i kishte tërhequr nga Posta.
Nga ana jonë po punohet intensivisht dhe po kryhen të gjitha veprimet e duhura hetimore në bashkëpunim me Prokurorinë e Rrethit Gjyqësor Durrës me qëllim identifikimin e autorëve, kapjen e tyre dhe zbardhjen e plotë të rrethanave të ngjarjes.
(E.K/FAXWEB.AL)
Discussion about this post