Një 66-vjeçar është vënë në pranga për vjedhjen e një tualeti që kushton plot 1 milionë paund, në Pallatin Blenheim në Oxfordshire, që dikur ka qenë shtëpia e Winston Churchill.
Sikurse shkruajnë mediet e huaja tualeti prej ari është vjedhur ditën e djeshme rreth orës 4.50 e mëngjesit, ndërsa theksohet se VC-ja prej ari 18 karat u vendos si atraksion për turistët disa muaj më parë në pallat.
Pallati është mbyllur përkohësisht për vizitorët për shkak të grabitjes, që sipas policisë, ka shkaktuar dëmtime të konsiderueshme në dysheme.
“Vepra e artit që është vjedhur është një tualet i bërë me ar me një vlerë të madhe që ishte vendosur si atraksion për vizitorët e pallatit”, u shpreh një prej hetuesve, Jess Milne.
Besohet që një grup grabitësish kanë përdorur të paktën dy automjete gjatë vjedhjes.
