Është grabitur zyra e financës në Teatrin ‘’Skampa” të Elbasanit. Grabitësit kanë hyrë nga dera e pasme e teatrit. Nuk dihet ende shuma e parave që janë marrë prej andej. Vjedhja mendohet të jetë bërë gjatë orëve të natës.
Mësohet se shuma e parave të vjedhura i përkiste të ardhurave të grumbulluara nga shfaqja e fundit.
Nuk dihet ende identiteti i personave që kanë kryer grabitjen, ndërsa Policia po heton për zbardhjen e rrethanave të kësaj ngjarjeje.
(E.K/Faxweb)