Një grabitje me armë ka ndodhur në kryeyqtet, ndërkohë që Policia ka vënë në pranga autorin.
Në momentin që është bërë ndalimi i tij policia i ka gjetur dhe gjashtë doza kokainë si dhe një shumë prej 18 mijë lekësh.
Grabitësi i dyshuar është identifikuar si Duart Berziu, 48 vjeç. Grabitja ka ndodhur konkretisht në një kazino në aksin Tiranë-Durrës.
NJOFTIMI:
Shërbimet e policisë të D.V.P. Tiranë, pas një pune efikase dhe profesionale, bënë të mundur identifikimin dhe arrestimin e shtetasit:
– Duart Berziu, 48 vjeç, banues në Tiranë.
Arrestimi i këtij shtetasi u bë pasi:
Më datë 08.08.2017, rreth orës 17:50, në një kazino në autostradën Durrës-Tiranë, nën kërcënimin e një arme tip pistoletë i ka marrë një shumë lekësh punonjësit të kazinos dhe më pas është larguar me një motor pa targa.
Në momentin e arrestimit, gjatë kontrollit të ushtruar në mjetin motor tip “Zongshen”, iu gjetën 6 doza lëndë narkotike, e dyshuar e llojit kokainë si dhe një shumë prej 18.000 lekë të reja.
U sekuestruan në cilësinë e provës materiale:
– Mjeti motorr tip “Zongshen”.
– 6 doza lëndë narkotike e dyshuar e llojit kokainë.
– 18 000 lekë të reja.
Materialet u referuan në Prokurorinë e Rrethit Gjyqësor Tiranë, në ngarkim të shtetasit të lartpërmendur për veprat penale “Vjedhje me dhunë” dhe “Prodhim dhe shitja lëndëve narkotike”.
(E.K/SHUPLAKA)
