Grabitja me armë në Lezhë, policia zbardh detaje të reja

Policia ka zbardhur detaje të reja rreth grabitjes së mbrëmshme që ndodhi në qytetin e Lezhës.

Fax News raporton se policia ka shoqëruar disa persona në komisariat.

Gjithashtu mësohet s egrabitësit kanë mbytur edhe qenin, I cili ishte në oborrin e shtëpisë.

Një ditë më parë, tre persona të maskuar u futën në banesën e shtetasit Arben isakut dhe grabitën një sasi parash dhe bizhuteritë që kishin në shtëpi.

“Përjetuam momente të shumë të frikshme.Grabitësit më goditën me sende të forta. Më pas nuk mbaj mend, por ata hynë në banesë dhe morën parat dhe bizhutë që ishin në shtëpi. Nuk i dalloja dot se kush ishin se ishin të tre me maska dhe të armatosur,”- ka rrëfyer Isaku.

Njoftimi i policisë

Me datë 21.02.2018 , rreth orës 19:15, në qytetit Lezhë në afersi të bordit të kullimit në banesën e shtetasit A.I.,kanë hyrë tre persona të maskuar ku njëri prej tyre i armatosur, dhe pasi kanë goditur me sende të forta të zotin e banesës kanë marrë një shumë parash dhe disa bizhuteri dhe duke përfituar nga errësira kanë mundur të largohen.

Shërbimet e policisë kanë shkuar menjeherë në vendngjarje.

Forca të shumta policore po krehin zonën duke perdorur edhe qenin e gjurmës.

Janë ngritur pika kontrolli dhe po sekuestrohen pamjet filmike në zonën ku ka ndodhur vjedhja.

Grupi hetimor në bashkëpunim me Prokurorinë e Rrethit Gjyqësor Lezhë vazhdojnë veprimet hetimore për zbardhjen e plotë të ngjarjes.

(F.M/Faxweb)