Pas grabtijes së 2 milionë eurove të një banke të nivelit të dytë janë marrë në pyetje menjëherë punonjësit e firmës private të sigurisë që po transportonin shumën monetare drejt aeroportit të Rinasit.
Një nga punonjësit e policisë private ka deklaruar se u qëlluan direkt me armë zjarri nga grabitësit, ndërsa shtoi se fillimisht u bënë rezistencë grabitësve por më pas e hapëm derën, raporton Report Tv.
“Ne ishim 5 punonjës policie, dy ishim te blindi i parë, ndërsa tre ishim te i dyti. Grabitësit erdhën dhe na qëlluan direkt me armë zjarri. U trembem. Nuk e hapëm derën fillimisht, pastaj e hapëm. Unë ndodhesha në blindën e dytë bashkë me dy kolegë, brenda të cilës kishte paratë e bankës që po i transportonin drejt Rinasit. Dy makina kanë ecur paralel me dy mjetet tona dhe njëra prej makinave, fuoristrada, ka goditur në pjesën ballore blindën e parë ku ndodheshin 2 punonjës, e më pas të dytin. Jam i terrorizuar, pashë lemeri me sy”, ka deklaruar polici.
Grabitja ndodhi mesditën e sotme rreth orës 14:00, ndërsa shuma monetare ishte në dy makina të blinduara. (J.V/Shuplaka)
Discussion about this post