Pas grabitjes spektakolare që ndodhi ditën e djeshme në aeroportin e Rinasit, ku një grup i armatosur grabiti ngarkesën në para në avionin e linjës Austri-Tiranë dhe anasjelltas, ka reaguar edhe kompania e madhe ajrore austrikake.
Zëdhënësja e kompanisë, Tanja Gruber, nëpërmjet një njoftimi zyrtar njoftoi, se si masë sigurie do të ndërpriten transferimet e mëtejshme në këtë formë me Tiranën.
“Pas grabitjes me armë nuk pati asnjë rrezik për ekuipazhin dhe udhëtarët. Avioni u vonua për tri orë. Por si një masë sigurie, nuk do të ketë transferime të mëtejshme në para nga Tirana në Vjenë”, ka deklaruar zëdhënësja për mediat ndërkombëtare.
Kujtojmë se shuma e parave që u grabit ishte rreth 10 milionë euro, dhe i përkiste 3 bankave të nivelit të dytë në vendin tonë.
Grabitja ka gjetur jehonë edhe në mediat e huaja, ndërsa derimë tani ende nuk ka një deklaratë zyrtare nga ana e Policisë lidhur me ngjarjen.
Burime bëjnë me dije se personi që u gjet i vrarë është Admir Murataj, i cili kishte qenë pjesë e grabitjeve të mëhershme në Rinas.
(E.K/FAXWEB.AL)
Discussion about this post