Gjykata ka vendosur masën e sigurisë “arrest me burg” për dy prej të dyshuarve për grabitjen e 9 shkurtit në Rinas, ku maskat mundën të vidhnin 3.2 milionë dollarë.
Është vendosur masa e sigurisë për Fation Xhyliun dhe Ditjon Memlikën. Fation Xhyliu është një ish-polic privat i kompanisë siguruese “Ro-Gat Security që luajti një rol kyç në zbardhjen e skemës së grabitjes.
Ai ka qenë në Vorë, ku ka sinjalizuar anëtarët e tjerë të bandës për mjetet transportuese të parave në momentin që po i afroheshin zonës së Laknasit.
Ditjon Memlika 31 vjeç nga Tepelena, është një tjetër i dyshuar për të cilën është vendosur masa e sigurisë, një prej dy ish-komandove, që ka shërbyer për një vit në Afganistan mësohet të jetë njohës i mirë i blindave, pasi ka drejtuar mjete të tilla.
Pritet që ditën e nesërme të zhvillohet seanca gjyqësore ndaj Ernest Kupës dhe Naim Avdylajt. Flitet se Ernest Kupa nuk ka pranuar të flasë deri tani. Ai është djali xhaxhait të Ilir Kupës, pjesë e bandës së Babagjyshëve që grabitën një argjendari para disa vitesh në qendrën tregtare në Tiranë. Naim Avdylaj, kushëriri i Ditjon Memlikajt, njihet si frekuentues i rregullt i basteve sportive dhe kazinove. (XH.A/SHUPLAKA)
Discussion about this post