Gazetari Artan Hoxha ka folur ditën e sotme në lidhje me grabitjen e ndodhur në aeroportin e Rinasit.
Sipas Hoxhës, nëse policia do të kishte vijuar të përballej me autorët e grabitjes së sasive të parave në Rinas do të ishin vrarë.
Gazetari, në Abc News, shpjegon se ishin 5 policë përball 6 grabitësve, gjë e cila rrit mundësin që policët do të ekzekutoheshin përball bandës.
“Gjëja që më ka bërë përshtypje këtë herë është se në momentin që ndodhi ngjarja pati një sulm të drejtuar kryesisht tek policia. Ndërkohë për herë të parë policia reagoi dhe reagoi shpejt. Policia u vu shpejt në ndjekje dhe u përplas. Reagimi ka qenë i shpejtë por mënyrën e reagimit nuk e zgjodhi policia. Nuk ka qëlluar e para policia, kanë qëlluar ata.
Po të kishin tentuar grabitësit të vrisnin policët do i kishin vrarë dhe aty kanë qenë vetëm 5 policë përballë 6 grabitësve. Kanë qenë policë të Forcave të Ndërhyrjes së Shpejtë por të paorientaur se më kë kanë të bëjnë. Njoftimi që kishin ata në radio ishte: “Një makinë që dyshohet të jenë grabitësit ka ikur ne këtë drejtim”. Ata janë sulur në atë drejtim.
Por problemi për mua nuk është policia. Aty është problem koncensionari, mënyra se si i është dhen dhe problem i madhe është edhe korrupsioni. Kontrata është bërë në atë formë që nuk i është lënë kontroll kryesor policisë dhe i është lënë Autoritetit të Aviacionit Civil”,– tha ndër të tjera Hoxha.
