Gjykata e posaçme po dëgjon mbrojtjen për 8 të pandehurit për grabitjen në aeroportin ndërkombëtarë të Rinasit. Gjatë zhvillimit të seancës avokati i Eldi dhe Klement Çalës theksoi se dy klientët e tij janë në rëgjimin e posaçëm 41 biss dhe se nuk ka pasur mundësi që të konsultohet me ta për mbrojten.
Avokati Elton Hyseni theksoi ata kanë qenë në grevë urie dhe se nuk janë njohur me materialin. Po ashtu avokati theksoi se nuk ju lejohet që në ambientet e regjimit të posaçëm të futet asnjë material dhe se s’ka pasur mundësi konsulte me dy vëllezërit, shkruan Faxweb.al.
Avokati theksoi faktin që duke qenë se Eldi dhe Klement Çala nuk kishin marrë dijeni për mbrojten nuk mund ta relatonte para gjykatës pa folur me ta nëse janë dakord me mbrojtjen. Në këtë seancë u konfimua se të pandehurit që janë në regjimin e posaçëm 41 biss kanë qenë në grevë urie.
Po ashtu gjatë seancës pati debate nga avokatët e tjerë të cilët kërkuan që mbrojtja të bëhet sipas radhës, por më pas gjykata vendosi se ata duhet që të lexojnë mbrojtjen.
Polica e burgjeve bëri më dije para gjykatës se nuk lejohet që të pandehurve që janë në 41 biss t’u dërgohen dokumenta.
Mbrojta e përgatitur nga avokati Elton Hyseni u është dhënë për tu lexuar të dy vëllezërve brenda kafazit të xhamtë.
Nuk është marrë ende një vendim nëse ata do të jenë dakord me mbrojten apo do të duan me tepër kohë që të konsultohen me avokatin e tyre. Grabitja e rinasit ndodhi në 9 prill 2019 ku u grabitën disa miliona euro në barkun e një avioni.
(E.K/Faxweb.al)
Discussion about this post