Alkond Bengasi është i penduari i parë i drejtësisë, pas grabitjes që ndodhi në 9 Prill në Rinas.
Burime konfidenciale konfirmojnë se ishte Bengasi ai që ka identifikuar edhe vëllezërit Klemend dhe Eldi Çala.
Bengasi ka dhënë detaje përsa i përket strukturës së grupit kriminal dhe mënyrës sesi u operua në grabitjen e shumës së konsiderueshme të parave. Po ashtu ai ka pranuar modifikimin e furgonit me mbishkrimin ”Hetimi Tatimor”.
Shumë shpejt ai pritet që të marrë statusin e bashkëpunëtorit të drejtësisë, çka i siguron që familja e tij të marrë mbrojtje nga shteti, dhe të përfitojë ulje dënimi.
Gjykata e Krimeve të Rënda ka dhënë masën e arrestit me burg për Bengasin.
Lidhur me grabitjen e ndodhur në aeroportin e Rinasit, policia ka shpallur në kërkim ish-punonjësin e policisë Mareglen Hoxha.
(E.K/FAXWEB.AL)
