Policia e Peqinit ka dhënë njoftimin zyrtarë lidhur me ngjarjen e ndodhur në këtë qytet ku një 76-vjeçar është shprehur se është helmuar nga një çift bashkëshortësh në shtëpinë e tij dhe më pas i është grabitur banesa.
Në njoftimin e policisë thuhet se dy shtetasit ende të paidentifikuar kanë marrë një shumë parash dhe janë larguar pa ushtruar dhunë ndaj të zotit të banesës, i cili tashmë ndodhet në spital për ndihmë mjekësore si pasojë e pijes së konsumuar.
“Ata dyshohet se i ka dhënë për të pirë një shishe me lëng te moshuarit, duke i paralizuar kujtesen”, shkruhet ne njoftim.
Bëhet me dije se grupi hetimor po heton ngjrjen për të bërë të mundur zbulimin dhe kapjen e autorëve ndërkohë shtetasit i është marrë mostër gjaku për të përcaktuar nëse ka element toksikologjikë si pasojë e konsumimit të lëngut.
Njoftimi i plotë:
Në lidhje me një lajm të publikuar në media, ku pretendohet se një shtetas është dhunuar dhe më pas është grabitur nga persona të paidentifikuar, informojmë se:
Në datën 08.05.2019, rreth orës 14.00, policia u njoftua se në lagjen “Xhami” të Bashkisë, Peqin është vjedhur një banesë. Menjëherë u ngrit grupi hetimor dhe u shkua në banesën që ishte e vjedhur dhe i përkiste shtetasit S.Z. 76 vjeç.
Nga veprimet paraprake të kryera rezulton se rreth orëve të paradites tek shtëpia e tij ka shkuar një çift, me pretendimin se gruaja kishte nevoja personale. Ata dyshohet se i ka dhënë për të pirë një shishe me lëng te moshuarit, duke i paralizuar kujtesen.
Dy shtetasit ende të paidentifikuar kanë marrë një shumë parash dhe janë larguar pa ushtruar dhunë ndaj të zotit të banesës, i cili tashmë ndodhet në spital për ndihmë mjekësore si pasojë e pijes së konsumuar.
Grupi hetimor ka kryer të gjitha veprimet duke grumbulluar çdo provë të mundshme që do çonte në identifikimin dhe kapjen e autorëve.
Njëkohësisht shtetasit i është marrë mostër gjaku për të përcaktuar nëse ka element toksikologjikë si pasojë e konsumimit të lëngut.
Materialet hetimore i kaluan Prokurorisë për veprën penale të ‘’Vjedhjes’’.
