Grabitja në banesë, flet nëna e Damian Gjiknurit: Hera e dytë që më kanë grabitur, policia nuk veproi

Pas grabitjes së ndodhur në banesën e nënës së ministrit Damian Gjiknuri në orët e para të mëngjesit të sotëm ka folur vetë Lirie Gjiknuri.

“Paratë i kisha kursyer nga pensioni i katër muajve.  Më kanë vjedhur 1.6 milion lekë. Hera e dytë që më kanë grabitur policia  nuk veproi.”, shprehet Lirie Gjiknuri.

Sjellim në vëmendje që për grabitjen që ndodhi në banesën e nënës dhe vëllait të Damian Gjiknurit deri më tani policia ka shoqëruar 2 persona. Mësohet se grabitja ka ndodhur gjatë natës në  rrugën “Maliq Muça” dhe grabitësit kanë marrë një shumë parash.  

Denoncimin në polici e ka bëra nëna e ministrit, L.Gjiknuri, 67 vjeç.  Hajdutët kanë hyrë në banesë nga dritarja e banjos të banesës. Mësohet se banesa e tyre është vjedhur në orët e para të mëngjesit.  

DETAJE:
Gjatë natës, në rrugën “Maliq Muça”, persona të paidentifikuar, kanë vjedhur banesën e shtetases L. Gj. 67 vjeçe banuese në Tiranë, ku kanë marrë shumë lekësh.
Vijon puna per identifikimin dhe kapjen e autoreve
Materialet u referuan në Prokurorinë e Rrethit Gjyqësor Tiranë. Neni 134 i Kodit Penal. (J.V/Shuplaka)